有一天早上, 如常前往家附近的邨巴巴士站等車, 趕到時剛好目送着巴士離去, 只好乖乖的在車站等下班車.
等候期間, 有三數個等候同一班車的街坊零落的散佈在附近, 此時, 一個中年男士向我走過來, 二話不說便停在我面前, 背向着我,車未到前他一直在我面前來回踱步.
車到站了, 方才散落的街坊都隨隨走到我後面排隊, 而這位男士一直在我前方徘徊.
車長準備好並示意我們可以上車時, 他竟老實不客氣, 趕在我前面要搶先登車! 他正要踏進車廂的一刻, 我輕拍了一下他的肩,"先生,唔該排隊!", 他一怔, 我繼續上車, 他緊隨我背後, 並開始反駁......
男: 排咩隊啫, 佢地個個都冇排架啦!
我: 佢地個個都有排隊 (說時我他往排在後面的人群指去)
男: 唓! 咁少人排咩呀?
我: 少人並唔代表唔駛排, 你究竟有冇讀過書?
男: 我都有讀過吓架!!
我: 咁, 你呢啲咪就係讀屎片囉!
(三數秒後)
男: 你自己心情唔好就咪搵我出氣!
我: 你都好無賴噃!
這次對話後, 他每朝早上見到我都別過面, 再不敢向我直視;
這次對話後, 他每朝都乖乖的排隊, 無人都排.
犯賤,就是此意思吧!
No comments:
Post a Comment