12-6-06
第一次踏足印尼,這是我暫時到過最南的南亞地區,有點緊張- 海嘯、地震、排華、SARS、禽流感......@_@
我一個來自印尼的朋友輕描淡寫的跟我說住的酒店都算安全,good luck 噃......
航行總算順利,旁邊沒有乘客前後座位都沒狂燥病患者, 安安樂樂的渡過五小時......
......終於到埗,踏出機艙,一股濃烈的印尼煙草氣味撲鼻而來...
踏出機埸,同事於麥當奴邊吃邊等, 而我就享用了一個$38,500的巨無霸餐...你冇睇錯,係三萬八千五:)
13-6-06
其實D西人都幾蠢! 食早餐buffet走均全場搵牛油,偏偏走唔行埋個bakery道,唉!
另一個仲蠢~望住盤擺到明係朱古力味嘅pound cake良久(其實有description!) 最後竟要申個鼻埋去聞......死味x_x
旁晚回酒店想跟同事坐低飲杯嘢、開個會,竟然發現全酒店內除泳池嘅Lounge外,都要等個半小時後才開門... 就係咁嘗試咗我的第一次-對住泳池開會.
14-6-06
經過三日於客人工廠的搶救同搏鬥,我決定向我同事講句"算罷啦!"然後同客人講"對唔住,呀......我.....盡咗力架喇, 部機器救唔返架喇!不如講返生意啦";)
15-6-06
今日終於唔駛去工廠,响同事的嘅Home office埋頭工作,須然都係修理機器,但冇咗工廠裡的幾百雙眼望住,壓力小得多,whew....
晚上我offer請同事兩夫婦晚餐,食餐好,但同事堅持由他請客,最後帶了我去一間港式荼餐廳. 其實我一向很抗拒於外地吃中菜,但這次不同;原來他們兩一直對荼餐廳的食物很好奇,但從未試過,如此這般,他倆就嘗試了第一次的吃蝦餃、炸両、叉鵝飯及皮蛋...... 叉燒? 對!這裡的豬肉菜式都用了雞來代替,回教徒適用,味道也不俾香港的差呢!
16-6-06
最後一天啦! 到客人處交代交代後便往機埸,完成這次行程.
後記:
- 衞生環境並非想像中差(我想真的沒大多地方會比內地差了罷,唉!),
- 酒店房間的Directory是這說:印尼大部份人都吸煙; 假如閣下是那種見到吸煙人仕便掩鼻皺眉黑面怒視起勢撥兼不滿"吸煙區"有人吸煙的人,請不要到印尼去了! (其實日本、泰國、歐洲的情況也大致一樣,你也別心想去啦!)
- 買咗包印尼蝦片,但不知何年何月才有閒情有時間去炸呢......
